Best Shayari On Iman – Iman Poetry In Urdu

Dear Friends Read the Best Shayari On Iman Or Iman Poetry In Urdu And share your Best Urdu Poetry with your friends.

Majid Deobandi Shayari

 سامان تجارت مرا ایمان نہیں ہے

ہر در پہ جھکے سر یہ مری شان نہیں ہے

 سجدوں میں تڑپ روح میں اب جان نہیں ہے

مومن کی سلامت کوئی پہچان نہیں ہے

 ہر لفظ کو سینے میں بسا لو تو بنے بات

طاقتوں میں سجانے کو یہ قرآن نہیں ہے

 اللہ مرے رزق کی برکت نہ چلی جائے

دو روز سے گھر میں کوئی مہمان نہیں ہے

 ہم نے تو بنائے ہیں سمندر میں بھی رستے

یوں ہم کو مٹانا کوئی آسان نہیں ہے

 وہ جس کو بزرگوں کی روایت نہ رہے یاد

اس شخص کی لوگو! کوئی پہچان نہیں ہے

 دو چار امیدوں کے دیئے اب بھی ہیں روشن 

ماضی کی حویلی ابھی ویران نہیں ہے

 میں تیری محبت میں گرفتار ہوں لیکن

تجھ کو میں خدا سمجھوں یہ امکان نہیں ہے

 پھولوں کی جگہ جلتے ہوئے لفظ سجے ہیں

اب میز پہ اخبار میں گلدان نہیں ہے

 ماجد ہے مرا شعر میرے عہد کی تصویر

غالب کی غزل میر کا دیوان نہیں ہے