Islamic Poetry In Urdu 2024

حمد باری تعالی

جینے کو آسان بنادے یا اللہ

پابند قرآن بنادے یا اللہ

یا اللہ یا اللہ یا اللہ یا اللہ 

 

دل کے اندر تو ہی تو ہو تو ہی تو

اس دل کو جزدان بنادے یا اللہ

یا اللہ یا اللہ یا الله یا اللہ

 

ساری دنیا رسوا کرنا چاہتی ہے

تو ہم کو ذیشان بنادے یا اللہ

یا الله یا الله یا الله یا الله

 

میرے بچے حمد کہیں اور نعت کہیں

نسلوں کو حسان بنادے یا اللہ

یا الله یا الله یالله یا الله

 

ساری دنیا شعر حمد و نعت کہیں

 یہ میری پہچان بنادے یا اللہ

یا الله یا الله یا الله یا الله

 

جب بھی چاہوں جھانک کے روضہ دیکھ سکوں

دل کو روشندان بنادے یا اللہ

یا اللہ یا الله یا الله یا الله

دنیا کی دولت سے بھی کر مالامال

اور ابن عفان بنادے یا اللہ

یا الله یا الله یا الله یا الله

نواز دیوبندی

سلیقے سے جینا سکھایا نبی نے

 

سلیقے سے جینا سکھایا نبی نے

مکمل طریقہ بتایا نبی نے

بشر کو خدا سے ملایا نبی نے

کافر کو مؤمن بنایا نبی نے

ہو جس راستہ سے خدا تک رسائی

ہمیں راستہ وہ بتایا نبی نے

بھنور سے سفینہ کو ساحل پہ لاکر

ہمیں ڈوبنے سے بچایا نبی نے

کوئی ان کی شان کریمی تو دیکھے

انسان کو اونچا اٹھایا نبی نے

ادھر آگیا جھوم کر ابر رحمت

جدھر بھی قدم کو بڑھایا نبی نے

کلام خدا کی دلیلوں پے جوہر

سر کفر و باطل جھکایا نبی نے

( جمشید جوہر )